#FikminSunda
Parahu tohaga geus ngajugala. Eunteup dina biwir langit bari ngabadé jaman. Kasakténna geus kakoncara, metot kahayang jelema pikeun datang ka manehna. Teu burung Haji Tukir gé kabongroy hoyong kabandang rasa, hayang ngajaran numpak parahu nu disépak ku Sangkuriang basa Dayang Sumbi nolak sapagodosan kahoyong ingkang putra.
“Har geuning sanes nu janten Gunung Tangkuban Parahu?…”
Hiji patarosan nu matak ajrih, tapi geuning sanes mung sakali Sangkuriang nyuhunkeun Dayang Sumbi janten garwa nu matak pamali.
Ieu nu ka opat welas kalina. Ditolak sapagodosan. Antukna sagala jajatén diketrukeun supados parahu sareng Dayang Sumbi tiasa ngilang tina paningal meuntas nagri meuntas samudera dugika muragna di léngkob pulo Tumasik.
Ayeuna aurat Dayang Sumbi beuki nyari, matak pogot nu nempo, janten hilap kana taubat. Ngajungkiring dilabur cahya baranang. Dijagi unggal wengi ku singa nu teu lirén ngabura rasa. Mepende jaman bari taki-taki bisi ujug-ujug Sangkuriang datang ngajorag deui. (AKW).
akwnulis 
Babasana meni nyeuni
Anu maca jadi teu risi
Salam baktos ka mas andri
Tisimkuring urang lembur sisi
LikeLike
Alhamdulillah
Salamna ka tampi
LikeLike
Ngartos sakedik kedikeun mah
Bari ngaos bari mikir naon artos na😉😉
LikeLike
Hehehe…. semangaat pagiii
LikeLike