ÈS KRIM – fbs

Assalamualaikum Warohmatullohi Wabarokatuh.
Sabtu dan minggu saatnya mengupload tulisan singkat, fiksi berbahasa sunda.
Silahkan….
***

Photo : Ilustrasi es krim corong warna-warni / sumber : google.

FIKMIN # ÈS KRIM #

Cèp ieu pesenanna” Soanten Mang Uju meuni ècès, ès krim lembur dina corong ukuran sedeng tos aya payuneun.
Hatur nuhun mang” ès krim ditampi bari rada dareuda. Sabab hoyong nyobian ès krim tèh peryogi ihtiar. Unggal ba’da asar manggulan huut badag ka kandang Haji Imron, aya kana saminggonna. Nembè diburuhan sapèrak dua pèrak.
Da badè nyuhunkeun ka Umi mah teu wasa, kanggè tuang sadidinten ogè saaya-aya.
Bismillahirrohmaniirrohim” lalaunan dicobian ngalètak ès krim, geuning meuni nikmat pisan. Amis tiis tur hipu. Pas badè di gègèl supados tiasa rada seueur, aya sora ngagareuwahkan.
Umid, mènta atuh ès krimna, tong dihakan sorangan!!” Joni nyaketan sareng gèngna, palaur. Mangkaning ieu jègerna di kelas genep.
Teu seueur saur, ès krim caketkeun kana pangambung. Teras diasongkeun.
Jèger sakola ngarandeg, teu cios ngarebut ès krim. Ngaheneng sakedapeun, langsung ngalèos bari jejebris.
Umid neraskeun ngaemam ès krimna, amis asin lamokot ku lèho.

***
Penjelasan :
Sebuah cerita fiksi singkat berbahasa sunda, dengan tema sebuah strategi sederhana yang dilakukan seorang anak untuk menghindari bullying dari kakak kelas yang juga jèger (Preman lokal).
Ingin merebut es krim yang akan atau sedang dinikmati, padahal penuh perjuangan untuk mengumpulkan uang buat beli es krim tersebut.
Nanti secara audio akan di share penjelasan lebih lengkap di channel youtube : @andrie kw.
Terima kasih, selamat menjalani & mensyukuri weekend kali ini Wassalam. (AKW).

TEST SWAB – fbs

Ngiringan ah, tapii…

Photo : Ilustrasi Swab test / dokpri.

*)Sebuah tulisan fiksi super singkat berbahasa sunda, terinspirasi dari kegiatan tes SWAB yang dilakukan senin lalu.

BANDUNG, akwnulis.com. Ti peuting mula geus hemar hemir, sarè gulinggasahan. Teu puguh nu dirasa. Uteuk cus cos pinuh kahariwang. Jaba huntu nyanyautan.

Nepi ka tempat gawè geus ngagimbung loba jelema, babaturan sakantor nu keur maroyan bari nungguan panggilan keur di pariksa SWAB babarengan. Pikeun mastikeun positif henteuna kajangkit ku panyakit ahèng, korona.

Asup ka rohangan pamariksaan, beuki gegebegan. Huntu nyanyautan, hatè sèsèrèdètan. Teu loba ngeusi formulir da daftarna onlèn, sekèn barkod, asup wèh.

Diuk dina korsi, sirah ngadangheuak. Liang irung beulah katuhu dirojok nepi kana puhuna, gètèk asa digèrèan. Pilèhoeun meunang ngarojok tèh diasupkeun kana tabung leutik.

Geus kitu petugas ngadeukeutan. Muka masker uing bari nitènan jero baham. “Kang, anjeun positip….”

Gebeg tèh asa dibentar gelap. “Nyaanan Pak?” Uing nanya bari carinakdak.

Leres Kang, tapi ulah ceurik da lain positip korona, tapi positip koropok”

Saharita nyanyautan leungit, rarasaan hègar. Dunya caang baranang, Alhamdulillah. Nuhun. Cag. (AKW).