#Fikminsunda
“Mana tersangka OTTna?” Komandan nanya. “ieu Ndan” Bripka Toto ngawaler bari nunjuk ka hareup. Nini-nini cetuk huis, keur murungkut bari rambisak.
“Saha nami?”
“Ma Uti”
Ujug-ujug jorojoy aya rasa karunya dina manah komandan. Haténa ngagerentes, “Asa teu pantes nini-nini kieu jadi tersangka.”
Lalaunan dideukeutan nini-nini nu keur murungkut téh, pas nempo aya pulisi ngadeukeutan, goak deui ceurik meuni balilihan, “Ema téh salah naon adééén, bet di kakaya kieu” Komandan ngahuleng.
“Punten komandan, pas OTT tadi sonten, ibu téh kabuktosan pisan ngalanggar UU pencucian uang.”
“Sabaraha nominal duitna?”
“Duaratus rébu Ndan!” dijawab teges.
“Leres kitu ema?” Komandan melong ka Ma Uti.
Bari carinakdak, Ma Uti ngawaler, “Sumuhun adén, ema keur nyeuseuh, dina saku calana salaki geuning aya artos 200rebu nu kaseuseuh”
Komandan beureum beungeut éra parada, teu antaparah anak buahna dicabok nepika ngajongkéng bari ngagorowok, “Ari sia belegug-belegug teuing, leupaskeun Ma Uti ayeuna pisan, anteurkeun nepika imahna, bari ménta dihampura!!!!”
***
Catetan : Ieu fikmin midang sataun kapengker ping 250217 dina lapak fésbuk simkuring. Haturnuhun. (AKW).
Mani sedih pisan..ayeuna teh kang
LikeLike
Muhun pa. Segala tindakan harus hati-hati.
LikeLike
Hahahahaaa…. Hiburan pisan…. Keren pa..
LikeLike
Makasih bu… hatur lumayan
LikeLike
Karunya ka pulisina….hahaah
LikeLike
Pulisina kirang sosialisasi ka anak buah..hihi…😎
LikeLike
Untung wé Komandanna… surti.
LikeLike
OoTeteh cuci..
LikeLike
Segala rupa kita harus hati-hati om.
LikeLike
😂😃😁 …aya2 wae …..sugan ..teh ooooo…tete….😂😁nini..
LikeLike
Aiih naha amih hajjah mah kadinya heu heu heu
LikeLike