#FiksiminiBasaSunda
Leumpang ngagandeuang bari héhéotan. Haté bungangang sabab geus kacumponan kahayang. Dunya béngras titingalian cékas. Karasa bangbaluh écag tina taktak, leungit sanggeus bieu kabawa palid ku cai leuwi nu ngagulidag.
Lagu Piapalén karék 2 kali di héotkeun, ujug karasa deui bangbaluh hirup ngorowotan awak. Teu puguh datang ti beulah mana, langsung ningker raga ngabeulit rasa. Sirah jeung suku dibetot, atuh tikusruk di galengan. Teterejelan. Beungeut lamokot ku leutak.
Karasa deui aya nu meulit kana ati, meureut beuteung. Adug lajer teu cukup ku pasrah sumerah, tapi kudu di lawan sakuat tanaga. Bari titingkuheun maksakeun hudang, apay-apayan turun deui ka sisi leuwi bari mapatkeun jampé pamaké.
Nepi ka sisi walungan, néangan batu lampar paranti semedi. Suku ngajégang panon bolotot bari ngagorowok, “Nyingkah siaaah!!!”
Bummmmm!!!!
Tarik naker sora bangbaluh nu teu rido dilepaskeun tina raga manusa. Ngangkleung ngaléngléong, ninggalkeun uing nu teu walakaya. Nyangsaya dina batu sisi sungapan. Bagja. (Akw).
Sim kuring teu ngabeledug tapi nyebrot da nuju menwa
LikeLike
Tah. Cocog pisann…..
LikeLike
Sigana teuas pisan
LikeLike
Éncér kang… mung sering. Janten wé rèpot
LikeLike
Alhamdulillah …ririwa tos lepas tina raga, bangblas…blas …weh, tinggal muji syukur ka Illahi Robbi.
Walah …teu kaudag basa sunda na kang…😊
LikeLike
Pasrah Nyangsaya
LikeLike
Kanu mangle geura kang rai…sae pisan.
LikeLike
Ah isin. Wios di dieu wae mih.
LikeLike
pinanggih bagja selamat dunya akherat..amaan terkendali…jaang..😂😂😂
LikeLike
Amiin Yaa Robbal alamin…
LikeLike